Neguan, zitrikoak bidelagun hoberenak

C bitaminak (azido askorbikoa) gure sistema immunologikoa pizten dute, eta neguko egun hotzetan gure sistema topera izatea beharrezkoa dugu gripea edota hotzeria ekiditeko.
Ikerketa ezberdinen arabera, C bitaminak hezurren, hortzen eta ehunen eraketan ere garrantzia handia du, baita orbaintze prozesuan, infekzioei aurre egiteko edota estresaren ondorio kaltegarriak arintzen laguntzen du ere.

  1. Baina zer da sistema immunologikoa?

Sistema immunologikoak gure gorputzak infekzioen aurka duen defentsa naturala da, kanpo gorputzak desegiteaz arduratzen dena, infekzio eta gaixotasunak ekiditeko.

Horregatik, gure sistema immunologikoa indartsu eta osasuntsu mantentzea oso garrantzitsua da, azkenaldian gure inguruan hedatu den gripea bezalako gaitzei aurre egiteko.

  1. Eta orduan laranjak jan behar ditut etengabe? Zenbat C bitamina behar du nire gorputzak?

Laranjek C bitamina kopuru handia dute, eta jateko erosoak dira, bai hamaiketako modura, zein goizetan zuku moduan. Baina ez ditzagun mandarinak, kiwia, limoia, pomeloa edota marrubiak (bai urte sasoi honetan dagoeneko dendetan aurki ditzakegu) bezalako frutak alde batera utzi.

Gure adinaren arabera, ezberdina izango da gure gorputzak behar duen C bitamina kopurua (batazbestekoak):

< 6 hilabete         40 mg

7 a 12 hilabete     50 mg

1 a 3 urte             15 mg

4 a 8 urte             25 mg

9 a 13 urte           45 mg

14 a 18 urte     65-75 mg

Helduak             75-90mg

Haurdunaldian       85 mg

Edoskitzean         120 mg

 

  1. Eta zenbat C bitamina du elikagai bakoitzak?

 

C bitamina duten elikagaiak          Pisua            B bitamina kopurua

Piperraust gordina                     100 g               201,4 mg

Laranja zukua                             248 g                  124 mg

Marrubiak                                    152 g                    86 mg

Papaia                                          140 g                    86 mg

Kiwia                                           76 g                    74 mg

Guaiaba gorria                          100 g                 73,3 mg

Tomate zukua                            242 g                    67 mg

Mangoa                                      207 g                    57 mg

Laranja                                      96 g                    51 mg

Brokolia                                      92 g                    37 mg

  1. Eta behar baino gehiago hartzen badut?

150-200 gr bitarteko laranja bat janez gero, erraz gainditu dezakegu eguneko behar dugun C bitamina kopurua, horregatik, beharrezkoa baina dosi handiagoa hartzea oso erraza da. Baina gehiegizko C bitamina ez da gorputzean pilatzen, gernu bitartez kanporatzen dugu. Beraz, ez da oso ohikoa gaindosi bidez gure gorputza kaltetzera iristea.

Baina, gaindosiak zenbait ondorio ekar ditzake, azidotasuna edo beherakoa adibidez.

  1. Eta ez ahaztu…

C bitamina ia bere osotasunean suntsitzen da fruta eta barazkiak sukaldatzeko orduan. Horregatik kontsumitzeko modu egokiena fruta zein barazki gordinak jatea da. Gainera, C bitamina lurrunkorra da eta beroak zein argiak desegin egiten dute.

Orain zentzu handiagoa du “Hartu ezazu azkar zukua, bitaminak galduko ditu eta!” esaldiak