Emakumezkoen talentuaren eta berrikuntzaren aldeko apustu handia egiten duen tokiko enpresetako bat izateagatik, Askorak II. edizioko EMAKUMEEKIN saria jaso du Donostiako Sustapenaren eskutik, Emakumearen Egunaren baitan.

Askora 500 profesionalek baino gehiagok osatzen dute, eta 10 ardura-postutik 9 emakumek betetzen dituzte. Askorak konpromiso sendoa erakutsi du enpresaren esparruan berdintasunarekin eta aniztasunarekin. Konpromiso hori Berdintasun Planean islatzen da, eta ingurune inklusiboagoa eta justuagoa sortzera bideratutako hainbat egitasmo biltzen ditu.

Besteak beste, honakoak:

• Barne- eta kanpo-komunikazioa, berdintasunarekiko konpromisoa ikusarazteko.
• Zainketetan zein Mahi-Mahi proiektuaren barruan berdintasunezko rolak sustatzea, non ikasleek arreta rola hausten duten, zaintzan erantzunkidetasuna sustatuz.
• Belaunaldi berrien artean berdintasunak, erantzunkidetasunak eta aniztasunak duten garrantziaz kontzientziatzea.
• Zainketen sektorea profesionalizatzea, hizkuntza inklusiboaren erabilerari eta LGTBIQ+ aniztasunari buruzko formazioekin.
• Giza baliabideen prozesuak berrikustea, enpresako maila guztietan aukera-berdintasuna ziurtatzeko.

Askorak berretsi egiten du berdintasunaren aldeko borrokarekiko konpromisoa, enpresaren barruan eta kanpoan, emakumerik gabe etorkizunik ez dagoela sinetsita. EMAKUMEEKIN Sarien errekonozimendua etorkizun justuago eta berdintasunezkoago baten alde egindako lan nekaezinaren isla baino ez da. Plazera izan da saria Aitziber López Cortajarena, emakume ikertzailea eta CIC biomaGUNEko Zuzendari Zientifikoarekin, eta Ana Orella Mateu eta Elena Orella Mateu ahizpak, Anhelo markaren bazkide sortzaileekin partekatzea. Zorionak guztioi!

Ikusi hemen, Askorako Giza Baliabideen arduraduna den Rosa Peñari egindako elkarrizketa.