Elikadura osasungarria da gure zerbitzuen oinarria; horregatik, menu orekatuak diseinatzen ditugu, bai eskoletako jantokietarako, bai elikadura-zerbitzua kudeatzen dugun enpresa eta egoitzetarako. Baina gure ahalegina ez da menuen diseinuan eta planifikazioan bakarrik geratzen, menuak egiteko erabiltzen dugun lehengairik onena bilatzeko lan egiten dugu. Horretarako, gure Erosketa Jasangarri Planaren irizpideei jarraitzen ditugu. Plan horren helburua da ingurumenean sortzen dugun aztarna murriztea, kontsumo jasangarriko eredu baten alde egitea, aukerarik osasungarrienak eskaintzea eta tokiko ekonomian dugun eragina areagotzea.
Osasunarekin dugun konpromisoak beti sasoiko produktuak eskaintzera garamatza. Horrela, elikagaiak bere unerik onenean kontsumitzen ditugu, ahalik eta nutrizio ekarpen handiena emanez eta zapore onenaz gozatuz. Gainera, sukaldean erabiltzeko aukera osasungarriena hautatzen dugu beti, koipe erantsiak saihestuz, frijitzea ekiditeko labea edo marmita bezalako tekniken alde eginez.
Kakiak, arbrikotak, marrubiak, meloia, aranak, nektarinak, anana… gure menuetan ohikoak diren frutak dira. Erabiltzen diren barietate guztiak estatuan dute jatorria, eta bertako ekoizleen aldeko apustua egiten dugu gure inguruko fruta-barietate arruntetan.
“Tokiko hornitzaileak bilatzen ditugu Askorak kudeatzen duen jantoki bakoitzetik hurbil”
Iratxe Aramburu, Askorako Erosketa Arduraduna
Postre gisa zerbitzatzen dugun frutak eta gure menuetan erabiltzen ditugun barazki guztiak ez dute genetikoki eraldatutako organismorik (OMG). Gauza naturalen alde egiten dugu, eta gure elaborazioetan fruta eta barazki ekologikoak ere erabiltzen ditugu.
Nekazaritza-sektoreko tokiko ekoizle txikien alde egiteak, kalitatezko lehengaiak lantzeaz gain, CO2-aren aztarna murrizten laguntzen digu, ekoizpena hurbil dagoelako eta garraioa gutxitzen duelako, eta, aldi berean, Askorak tokiko ekonomian duen eragina handitzen du.
Helburu horiei jarraiki, Askorako Erosketa Iraunkorraren Planak Uxarte Sagardogintzako sagarrak, Euskal Baserri babarrunak, Arabako ekoizleen patata, Karabeleko baratzeko barazkiak, Aintzia kalabazak, Bizkaiko batabia letxuga… erostearen alde egiten du.
Gure bertako hornitzaile Mahi-Mahi Azoka.
