Berriro ere Mahi-Mahiko jangelek bisita berezia izan dute!

 Zuzen Arrainak enpresako Alberto, jantokietan jaten dugun arrain freskoaz hornitzen gaituena, etorri zen ikasleekin arrantzaren munduan duen esperientzia partekatzera eta arraina gure mahaietara nola iristen den azaltzera.

Albertok azaldu zigun jaten dugun arraina Pasaiako kofradiatik datorrela, arrantza ereduak arrasteko arrantza mota guztiak saihesten dituela eta itsasoko ekosistema mantentzen laguntzen duela. Berarekin, ontzi bakoitzaren barruan zer gertatzen den ezatugu zuten, nola tripulatzaile bakoitzak funtsezko rola duen, ontzia zuzentzen duen kapitainetik hasi eta sareak jasotzen dituzten marineletaraino.

Arrantza prozesuari buruz ikasi ondoren, momenturik zirraragarriena iritsi zen: Esperimentatzeko unea! Ikasleek hurbiletik ikusi ahal izan zituzten arrain-motak, arraina mota desberdinak bereizten ikasi zuten eta Zuzen Arrainak taldean egiten dituzten zenbait lan simulatu zituzten. Gogo handiz, ezkatak ukitu zituzten, espezieen arteko desberdintasunei erreparatu zieten eta produktu freskoak eta sasoikoak kontsumitzearen garrantzia ikasi zuten.

Zalantzarik gabe, jardunaldi hezigarri eta dibertigarria izan zen, eta errespetu handiagoz utzi zien guztiei arrantzaleen lana, gure itsasoaren aberastasuna eta zaintza, eta arrain freskoa jatearen eta gure kostaldearen garrantzia. Eskerrik asko, Alberto, esperientzia paregabe honengatik!